LAOAG CITY – Naimaldit dagiti pito a baro a kaso ti COVID-19 kadagiti tallo nga ili.
Daytoy ket iti ili ti Sarrat, Badoc ken Banna.
Basar iti gobyerno probinsyal, tallo ti naimaldit a baro a kaso iti ili ti Badoc kasta met iti ili ti Banna ken maysa iti ili ti Sarrat.
Manipud iti ili ti Badoc, dagitoy ket isuda IN-C380, lalaki, agtawen ti 26, residente iti Brgy. Alogoog, PSG ken nakapulapol na ti nagpositibo manipud iti Manila; IN-C381, lalaki, agtawen ti 45, APOR( Visiting residente a kameng ti Coast Guard) ken residente iti nasao a barangay, naggapu iti Metro Manila; IN-C382, babai, agtawen ti 53, addaan ti travel history iti Pangasinan ken residente iti nasao a barangay.
Iti ili ti Banna, IN-C383, babai, agtawen ti 41, empleyado ti LGU Banna, residente iti Brgy. Tabtabagan ken nakapulapol ni IN-C340; IN-C384, lakay nga agtawen ti 72, residente iti nasao a barangay ken nakapulapol ni IN-C360; kenni IN-C385, baket nga agtawen ti 68, barangay kagawad iti nasao a barangay ken nakapulapol met ni IN-C360.
Ni IN-C360 ket lalaki, agtawen ti 26 ken residente iti Brgy. 8 ditoy siudad ti Laoag.
Iti ili ti Sarrat ket ni IN-C-386, babai, agtawen ti 46, ken residente iti Brgy. San Felipe, ken nakapulapol ni IN-C359.
Segun ti gobyerno probinsyal, Asymtomatic dagiti innem a kaso idinto a symptomatic ni IN-C384 ken nakaadmit daytoy.
