LAOAG CITY – Umabot iti pito a granada ken maysa a corroded revolver a naikabil iti sako ti narekobre iti asideg ti rangtay idiay Barangay Laoa iti ili ti Paoay.
Daytoy ti kinumpirmaran ni Police Captain Eddie Suyat, ti chief of police ti PNP-Paoay.
Segun kenni Suyat, idi mapan alaen ni Mr. Froilan Bagasol ti naiwayway a kalding na iti asideg ti Laoa Bridge ke nakita na ti nakasako nga eksplusibo.
Inbatad na nga inreport a dagus ni Bagasol ti nakita na kenni Brgy. Chairman Evelyn Galano nga isu met ti nangitawag iti PNP.
Inbatad na a mabalin a nabayagen a naibati dagiti granada gapo na nagaburan ti daga ti sako a nakaikabailan dagitoy.
Patyen ni Suyat a gapo iti kinaiget ti kampanya da kontra iti panagikot ti armas ti rason no apay a naibati iti rangtay.
Iti agdama, addan iti kustudiyar ti Explosive Ordnance Division iti Ilocos Norte Police Provincial Office (INPPO).
Mainaig iti daytoy, nagpanawagan ni Suyat iti publiko a no adda ti makitkita nga eksplosibo wenno paltog ket ireport a dagus kadakuada.
