LAOAG CITY – Inpakaamo ni Barangay Chairman Reynante Hermano iti Brgy. 24 iti ili ti Sarrat a dimmalan iti swab test dagiti pito a kapamilya a primary contact ni IN-C458 a kabarangayanna.
Nu pay kasta, kuna na naka-isolate dagiti maseknan iti bukodda a compound bayat a maiyur-uray ti resulta ti swab test da.
Mainaig iti daytoy, inbaga ni Hermano a manipod idi kalman ket naiyuswat ti mass swab testing iti barangda.
Immuna iti daytoy, inpakaamo ti kapitan a ni IN-C458 ket maysa a komersyante nga agang-angkat ti nateng iti barangayda ken iti Brgy. 23 nu sadino a daytoy met ti ilako na ditoy siudad ti Laoag.
