LAOAG CITY – Nabirokan dagiti otoridad ti maysa a helicopter iti nasulimek a lugar ti Mualulu Area Kauai kalpasan a nagsuek.
Segun kenni Bombo International Correspondent Manny Pascua, naamuan nga umabot iti pito a tattao dagiti nakalugan iti helicopter agraman ti dua a menor de edad ken ti piloto na ken maukpukaw dagitoy.
Inbatad ni Pascua a possible a pimmusay amin dagiti nakalugan.
Kuna na a kukua ti safari company ti nasao a tourist helicopter a nagluganan dagiti biktima.
Inlawlawag ni Pascua nga agsubli kuma ti helicopter iti Kauai International Airport iti alas kuatro y media idiay Hawaii ngem saan a nagsubli kalpasan ti sumagmamano nga oras ken naamuan ti kompanya a nagsuek daytoy iti Mualulu Area.
Agtultuloy ti imbestigasyon dagiti otoridad no kasano a nagsuek ti helicopter.
