LAOAG CITY – Umabot ti pito a tattao ti natiliw ken dua ti nakalibas kalpasan ti operasyon dagiti kameng ti PNP-Laoag gapo iti panagsusugal idiay Barangay 1 ditoy ciudad.
Daytoy ti kinumpirmaran ni Police Major Adriano Licudan, ti deputy chief of police ti PNP-Laoag.
Binigbig ni Licudan dagtii natiliw a da Alejandro Apolinario, Mery Joy Buccat, Roselyn Cabantog, Jocelyn Sarmiento, Lucila Cabugason, Marlene Monton ken Alyn Apolinario idinto a dagiti nakalibas ket isuda Perla Acosta ken Cherry Laorden.
Inbatad ni Licudan a naaktuan da a mismo nga agay-ayam dagti suspek ti lucky 9.
Gapo iti daytoy, nakumpiskar dagiti otoridad ti baraha, lamisaan, walo a plastic a tugaw, ken ti pusta nga umabot ti 1,618 a pisos.
