LAOAG CITY – Tiniliw dagiti kameng ti PNP Burgos dagiti nagsusugal iti maysa a balay idiay Brgy Ablan iti nasao nga ili.
Segun kenni Police Sr. Insp. Dionisio Baldillo, hepe ti PNP Burgos, pito dagiti natiliwan nga agsusugal ti tong-it ken mahjong.
Binigbig ti hepe dagiti natiliw a da Norma Vila, Melanie Sopiya, Heidi Faelmoca a taga Salet Bulangon ditoy siudad ti Laoag, ken naggaayam da ti tong-it. Idinto na dagiti naggaayam ti mahjong ket da Mylene Dalere, Norlyn Garalde Alma Calapini keni Teresita Garasa agpapada a taga Brgy Alban Burgos.
Kuna ni Baldillo a nakaawat da ti report rason ti panagresponde dagiti kameng ti PNP iti balay ni Norma Vila.
Nakumpiskar da ti agdagup 887 a pisos a pusta dagiti nagsusugal.
Nagtalinaed dagiti pito a natiliw iti kustudyar ti PNP Burgos.
