LAOAG CITY – Natiliw ti pito nga indibidual idinto nga agtultuloy ti pannakabirok dagiti tallo a nakalibas gapu iti iligal a panagsusugal iti Sitio 3, Brgy. 35 Gabi Sur ditoy siudad ti Laoag.
Basar iti report manipod iti PNP-Laoag, naiyuswat ti anti-illegal gambling operation iti nasao a lugar kalpasan a nakaawat da ti report mainaig iti panagsusugal dagiti suspek.
Nabigbig dagiti nagsusugal nga isuda Dennis Peñarada y Sicalbo, Elyzabel Pascual y Mateo, Kristel Marie Retamal y Nazareno, Rizza Anne Rivera y rabor, Ana Marie Real y Battad, Jessa Arconado y Agustin ken ni Melacio Vizcarra y Romosod.
Nakumpiskar kadagitoy ti 52 a pedaso ti baraha, maysa a lamisaan, uppat a tugaw ken ti pusta a 1,851 a pisos.
Kabayatanna, bayat ti pannakaiyuswat ti operasyon ket dagus a nakalibas dagiti tallo pay a suspek nga isu ti agama a mabirbirok.
Nagtalinaed dagiti natiliw iti kustodyar dagiti otoridad para iti umno a disposisyon.
