LAOAG CITY – Kinumpirmaran ni Barangay Chairman Edilito Madarcos iti Brgy Paratong iti ili a Paoay a pinatay dagiti aso ti RCD Compound dagiti taraken a kalding ti sumagmamano a residente iti nasao a barangay.
Maysa ni Mr. Sandy Acar kadagiti residente iti nasao a barangay ti natay ti taraken na a kalding.
Segun kenni Madarcos, naduktalan da nga aso ti RCD Compound dagiti pimmatay ti uppat a kalding idi Sabado ken sabali pay dagiti tallo idi kalman.
Mainaig iti daytoy, idi nakisarita da kapitan Madarcos iti RCD compound ket inbilin da nga ivideo da kas pammaneknek nga ar-aramiden dagiti aso da a mangkakaan kadagiti kalding.
Innayon ni Madarcos, inyuman na daytoyen kenni Mayor Jessie Galano tapno masulosyonan ti nasao a problema.
Manamnama nga inpakita ni Madarcos dagiti naala da a ladawan ti aso ti RCD Compound.
