LAOAG CITY – Kinumpirmaran ni International Bombo Correspondent Manny Pascua nga adda ti pito a lallaki a tiniliw dagiti otoridad idiay Lower Puna District, Big Island , Hawaii.
Daytoy ket gapu ti panaglibas da a napan simrek iti danger zone iti asideg agal-alburuto a Kilauea Volcano tapno mapan da agpicture ken agvideo.
Segun ken ni Pascua, dagiti natiliw ket manipod iti Maui Hawaii, Germany, California ken Hongkong.
Inbatad na a naiget ti panangipawil dagiti otoridad ti saan nga iseserrek dagiti saan nga otorisado a tattao iti danger zone.
Gapu ti inaramid dagiti natiliw a pito a lallaki ket manamnama ti pannakaipataw kadakuada ti mayannatop a multa.
