LAOAG CITY – Natay ti pito nga indibidual kalpasan a nadungpar dagiti missile ti Russia ti maysa a civilian container ship iti maysa a sangladan iti Odesa Region idiay Ukraine.
Segun ken ni Oleh Kiper, gobernardor ti Odesa Region, daytoy ti maikatlo a panangraut kadagiti sibilyan a barko itj las-od ti uppat nga aldaw.
Kinunana a pinuntiria ti Russia ti port infrastructure no sadinno a dagiti biktima ket Ukrainian.
Malaksid iti daytoy, naruay pay dagiti nasugatan.
Ti kaudian a panangraut iti sangladan ti Ukraine iti Black Sea coast ket naigiddan iti panagpasiar ni Presidente Volodymyr Zelensky idiay Europa, no sadinno a kinasarita na dagiti lider ti London, Paris ken Rome.
Kabayatanna naitantan ti panagkita da Zelensky ken US President Joe Biden agraman dagiti dadduma pay nga alyado ti West Countries idiay Berlin gapu iti Bagyo Milton.
