LAOAG CITY – Saan a bumaba iti pito nga indibidual ti natay ti bimmagsak ti maysa a medevac plane iti Philadelphia idi Biernes pakairamanan ti innem a Mexican a nakalugan iti eroplano ken maysa a tao nga adda iti ground, basar iti Presidente ti Mexico ken Mayor ti Philadelphia idi Sabado.
Inbatad ni Philadelphia Mayor Cherelle Parker iti maysa a press conference a ti tao a natay iti ground ket adda iti kotse iti lugar a nakapasamakan iti panagsuek ti eroplano.
Kiniddaw met ni Mexican President Claudia Sheinbaum kadagiti opisial ti consular a suportaran dagiti pamilia ti innem a Mexico citizens nga adda iti eroplano ken natay idi nagsuek daytoy.
Inrakurak ti Jet Rescue Air Ambulance a nakabase idiay Mexico ken lisensiado nga agoperar idiay Estados Unidos a nagsuek ti aircraft kaduana ti uppat a tripulante, maysa a pediatric medical patient ken ina ti pasiente.
