LAOAG CITY – Natay ti pito nga indibidual kalpasan ti panagipatayab ti drone ti Ukraine a ti pinuntirya da ket ti fertilizer plant iti western Russia.
Malaksid kadagiti natay ket adda pay ti 10 a sabsabali dagiti nasugatan iti insidente.
Basar iti Russia’s Investigative Committee, umabot iti 30 a drones ti timmama iti planta iti Smolensk rehiyon, agarop 290km wenno 180 miles manipod iti border da iti Ukraine.
Inawagan ni Regional governor Vasily Anokhin ti panagatake kas “barbaric terrorist attack” babaen iti Ukrainian Armed Forces.
Agpapan ita ket awan pay ti inparuk-at a komento ti Kyiv iti mainaig iti nasao a pasamak.
