LAOAG CITY – Manamnama a makissayan ti presio dagiti ticket kadagiti airline companies inton bulan ti Oktubre.
Basar iti Civil Aeronautics Board (CAB) nga inkabilda iti Level 4 ti fuel charge manipud iti dati a Level 5 ita a bulan.
Daytoy ti maibilang a kababaan a fuel charge ita a tawen iti baet nga adda ti mapaspasamak a riribok iti Central East ken sumagmamano a paset ti Europa.
Maibasar iti matrix ti Civil Aeronautics Board a ti Level 4 ket mangipasimudaag nga agbayad laeng dagiti pasahero ti eroplano ti manipud iti P117 agingga iti P342 para iti domestic flights ken manipud iti P385.70 agingga iti P2,867.82 para kadagiti international trips.
Kabayatanna, kas protocol ket pagsubmitiren ti Civil Aeronautics Board dagiti airline companies ti application sakbay ti Oktubre no kalikagumda a makakolektar ti fuel surcharges.
