LAOAG CITY – Maipatungpalen ti nabayag a kalkalikagoman dagiti traysikelan a maipangato ti plete idiay ciudad ti Batac.
Daytoy ti inbatad ni Sang panlungsod member Bismark Angelo Quidang, ti chairman ti Committee on Transportation iti nasao a ciudad.
Segun ken ni Quidang, manipod iti 11 a pisos ket agbalin a 14 a pisos.
Inpakaammo ni Quidang a mangrugi a maipangato ti plete iti tricycle iti ciudad ti Batac intono Oktubre primero ita a tawen.
Inlawlawag ni Quidang nga idi pay disyembre 2018 a naaprubaran ti pannakaipangato ti plete iti tricycle.
Nupay kasta, kuna ti konsehal a saanna nga ammo no apay a saan a naipatungpal a dagus daytoy nga addang.
