LAOAG CITY – Manamnama a bumaba ti plete kadagiti pampasahero nga eroplano inton sumaruno a bulan.
Basar iti Civil Aeronautics Board (CAB) nga inton bulan ti Setiembre ket maikabilen iti Level 5 ti fuel surcharge manipud iti dati a Level 6 ita a bulan ti Agosto.
Nakailanad iti Level 5 a ti fuel surcharge ket agbalin a P151 agingga iti P542 kadagiti domestic flights ken manipud iti P498.03 agingga iti P2,867.82 para kadagiti international trips.
Maidasig iti Level 6 a ti fuel surcharge ket agbalin a P185 agingga iti P665 para kadagiti local flights ken P610.37 agingga iti P4,538.4 para kadagiti international flights.
