LAOAG CITY – Inaprubaranen ti Land Transporation and Franchising Regulatory Board (LTFRB) ti nayon na singir dagiti City ken prov’l buses.
Kinumpirmaran daytoy ni Engr. Neil Jose, Manager ti Florida Bus Co.
Segun ken ni Jose, nagpetisyon dagiti kakadua da iti Transport Group a mangnayon da iti singir a plete gapu iti nguminngina a presyo ti petrolyo.
Kas resulta, 10 agingga iti 15 a sentimo iti kada kilometro ti naaprubaran a nayon ti singir da a plete.
Gapu iti daytoy, manipud iti 750 pesos a singir da ket agbalin nga 850 pesos.
Kuna ni Jose a maiyur-uray laengen ti kopya ti naaprubaran a nayon a plete para iti pannakaipatungpal na.
Mainaig iti daytoy,kiniddaw ni Jose kadagiti agluglugan iti saandanto a pannakabigla apaman nga iyimplimentar da ti nayon a plete.
