LAOAG CITY – Pormalen a ni Police Lt. Col. Rafael Lero manipud iti operations management unit iti Ilocos Norte Police Provincial Office (INPPO) ti baro a chief of police iti Laoag City Police Station (LCPS).
Daytoy ket kalpasan ti naiyuswat a turn-over ceremony itay bigat iti Gazebo Hall iti LCPS.
Sinukatan ni Lero iti pwesto ni dati nga LCPS chief of police PLt. Col. Amador Quicho.
Kabayatanna, kinumpirmaran ni PMaj. Lauro Milan, ti mangidadaulo iti Provincial Administrative and Resource Management Unit ti INPPO nga awan pay ti baro a posisyon a pakaidesignaran ni Quicho ngem agtalinaed iti INPPO.
Ti nasao a turn-over ceremony ket indauloan ti provincial director a ni PCol. Christopher Abrahano, ni Gov. Matthew Marcos Manotoc kenni Laoag City Mayor Michael Marcos Keon.
