LAOAG CITY – Nagpakdaar ti Philippine National Police Anti-Cybercrime Group (PNP ACG) mainaig iti ‘spoofing scam’ a mapaspasamak ditoy pagilyan.
Segun iti Philippine National Police Anti-Cybercrime Group, daytoy ket ti panaglaok dagiti text scam kadagiti lehitimo a mensahe kas iti SMS wenno email.
Dagiti spoofing scam ket kadawyan a pakairamanan dagiti self-identifying bank wenno pinansial nga institusion a mangikabil iti peke a website wenno numero.
Gapu iti daytoy, naiget a nagballaag ti pulisya iti publiko, saan koma a basta i-click ti link iti naawat a text wenno email.
Rumbeng met a maberipika nga umuna kadagiti banko dagiti umasping a mensahe a naawat, sakbay a patien a naggapu dagitoy kadagiti pinansial nga institusion.
