LAOAG CITY – Inpetteng ni Philippine National Police (PNP) acting chief Police Lieutenant General Jose Melencio Nartatez Jr. nga awan ti quota iti panagarestar ti police organization.
Inpalgak ni Nartatez a ti isaysayangkat nga operasyon ti nailian a pulisya ket maibasar iti intelligence a magun-od da.
Kuna na a no ania ti proseso iti Philippine National Police iti panangiyuswat da ti operasyon ket isu met ti ar-aramiden ti dadduma a law enforcement agencies, a pakairamanan ti Armed Forces of the Philippines.
Inbatad pay ni Nartatez a ti target ti Philippine National Police ket ti mangarestar ti 100 a porsiento dagiti wanted person ken maipababa dagiti mapaspasamak a krimen a no mabalin ket mapagbalin a zero.
Rakurak daytoy ni Nartatez kalpasan a nagpanawagan ti Human Rights Group Kapatid a pagsardengen nan ti maipagarup a quota on arrests iti Philippine National Police.
