LAOAG CITY – Ad-adalen ti Philippine National Police ti possible a panagpila kadagiti kaso kontra kadagiti protesters a nagibato ti pitak ken nangipatungpal ti bandalismo iti St. Gerrard Construction building iti Pasig City a kukua dagiti contractors a Discaya.
Segun ken ni National Capital Region Police Office (NCRPO) chief Major General. Anthony Aberin, nangiyuswat dagiti protesters ti lightning protest nga awan ti permit da isut gapuna a nangipatungpal da ti maximum tolerance iti lugar.
Naglikudan met ti police official a binaybay-an laeng ti nailian a pulisya dagiti protesters ken saan a nakibiang wenno linapdan dagitoy.
Inlawlawag ni Aberina a saan da a naabutan dagiti nangiyuswat ti lightning protest ngem no nadanun da dagiti maseknan ket sigurado nga inarestar dagitoy.
Iti agdama, manarimaan ti pannakikoordinar ti Eastern Police District iti pamilya Discaya para iti possible a panagpila da ti pormal a reklamo.
Immunan a kinumpirmaran ni Atty. Cornelio Samaniego III, abogado ti Discaya nga agpila da ti kaso kontra kadagiti nagprotesta.
