LAOAG CITY – Isagsaganan ti PNP ti ili nga Adams ti tumutop a kaso a maipila kontra iti maysa a lalaki kalpasan a maipagarup a binekkel, binagkong ken pinanggep na pay a ramesen ti kaanakan na .
Binigbig ni P/S/Insp. Michael Permisson Chief of Police ti nasao nga ili ti suspek a ni Alex Zamora, agtawen ti 39. baro ken residente ti Bgy. Adams idinto a ti bikitma ket ni May Ann Bataan, agtawen ti 20 balasang ken residente met laeng ti nasao a lugar.
Segun ken ni Permission, idi rabii a napasamak daytoy a no sadinno a bayat a magmagna ti biktima idi addan iti asideg ti Adams National High School iti nasipnget a paset na, bigla nga inasitgan ti suspek ti biktima kageddan ti panangdanog na iti bibigna, binekkel ken idi aggulagol ken binagkong na ti bukot na a rason ti nakasugatan na.
Insigida met a dimmawat ti tulong ti biktimabbabaen ti panagpukkaw na nga isu met rason a nagtartarayan ti suspek.
Kuna ni Permission, saan la nga ita nga aramiden ti suspek ti nasao a banag gapu ta adda idin ngem saan la a nairepreport kadakuada gapu ta mabain gapu ta agkakabgian dagitoy.
Insigida met a naitaray iti Rural Health Unit ti biktima nga iti agdama ket maob-obserbaran.
Nabirukan met dagiti pulis ti suspek iti mismo a pagtaengan da ken bolontaryo a simmuko kalpasan nga inarestar da.
