LAOAG CITY – Adda dagiti aramiden nga adjustment pay ti Philippine National Police iti umas-asideg a fiesta ti Black Nazarene idiay Manila.
Segun ken ni Manila Police District Chief Police Brigadier General Arnold Thomas Ibay, nakitada dagiti sumagmamano a mabalin a pannakabalbaliw nga aramiden iti maisaysayangkat a walkthrough ti ruta ti pada ti Black Nazarene.
Ar-aramidenda ti nasao a walkthrough tapno maipasigurado nga agbalin a natalged dagiti pagdalyasatan ti prusision.
Naammoan a dagiti sumagmamano a nakita dagiti otoridad ket dagiti maar-aramid a kalsada iti paset ti Fraternal Street a mangitunda ti peggad kadagiti deboto nangruna ket sisisakada laeng dagitoy.
Nupay kasta, adalenda pay laeng a naimbag dagiti nakita a posible nga agbalin a parikot.
Maipalagip a minilyon a debate ti tinawen a makipaspaset iti fiesta ti Black Nazarene a maiyus-uswat tunggal Enero 9.
