LAOAG CITY – Agsagsaganan ti Philippine National Police (PNP) idiay ili ti Pagudpud iti manamnama nga iduduparak ti Bagyo Rosita.
Segun kenni Police Chief Inspector Lawrence Ganuelas, hepe ti PNP-Pagudpud, rugrugyan dan ti agimpormar kadagiti kailyan da nangrna dagiti adda iti coastal barangays.
Inbatad na nga urayen da laengen ti abiso ni Mayor Marlon Sales no anya ti aramiden da mainaig met kadagiti resorts iti nasao nga ili.
Inlawlawag na a no kasano ti panagsagana wenno inpatungpal da iti Bagyo Ompong ket isut met laeng ti aramiden da iti isasangpet ti Bagyo Rosita.
Kabayatanna, kuna ni Ganuela a napintas pay laeng ti tiempo iti nasao nga ili ken ado pay laeng dagiti bumisbisita iti nadakamat a lugar.
