LAOAG CITY – Agtultuloy iti imbestigasyon iti PNP iti panagdinnungpar ti dua a motorsiklo iti ili a San Nicolas a nakatayan ni Ruben Valdez, agtawen iti 49, naasawaan, tricycle driver, ken residente iti Barangay 19, San Guillermo ti nasao nga ili.
Napasamak ti desgrasya iti Manila North Road bisinidad iti Barangay 22, San Guillermo iti ili a San Nicolas.
Kabayatanna, kinumpirmaran ni Police Chief Inspector Paul Benedict Parado, ti chief of police iti ili a San Nicolas nga agpapan ita ket awan pay ti poot na ken saan pay a nabigbig ti nangiturong ti maysa a motorsiklo a nakadinnungpar ni Valdez.
Inpakaammo na nga addan dagiti napan nangkita iti nasao a biktima ngem saanda nga am-ammo daytoy.
Iti agdama, nagtalinaed ti nasao a biktima iti Governor Roque Ablan Senior Memorial Hospital (GRASMH) ditoy ciudad ti Laoag.
