LAOAG CITY – Agtultuloy ti naiget a panagbantay dagiti kameng ti Philippine National Police kadagiti pagadalan iti intero a rehiyon uno.
Daytoy ti inbatad ni Police Brigadier General Lou Evangelista, ti Regional Director iti Rehiyon Uno.
Inpakaammo ni Evangelista nga iti kada pagadalan iti rehiyon uno ket adda dagiti nakabantay a kameng ti pulisya tapno adda ti mangasistir wenno mangbayabay kadagiti estudyante, mangisursuro ken uray dagiti nagannak a mapan agitulnog kadagiti annakna.
Maragsakan ni Evangelista gapu ta sipud naglukat ti klase ket awan pay dagiti naireport nga insidente iti sangwanan dagiti pagadalan iti baet nga adda dagiti panagirot ti trapiko.
Innayon na a kadwa dagiti kameng ti pulisya nga agbanbantay ken mangipapaay ti seguridad kadagiti pagadalan ket dagiti barangay tanud.
