LAOAG CITY – Agtultuloy iti pannakaibunong ti libre a visibility vest kadagiti masita a motorista kabayatan ti checkpoint ti Philippine National Police ditoy probinsya.
Daytoy ti inpakaammo ni Police Major Kristian Lee Badua, ti pannakangiwat ti Ilocos Norte Police Provincial Office.
Kuna na a ti nasao nga addang ket paset ti panangpaiget da ti pannakaipalagip kadagiti agiturturong kadagiti slow moving vehicles kas ti motorsiklo, tricycle, kurung-kurung ken dadduma pay nga agsuot ti visibility vest kas panangsurot ti provincial ordinance.
Inbatad na nga uray maipaayan da ti libre a vest ket maipaayan da latta met ti citation ticket gapo ta dagitoy ket nagsalungasing ti linteg
Segun kenkuana, adda dagiti gundaway a maibusan da ti visibility vest gapu iti kaado dagiti masitsita da a saan nga agsusuot no madanun iti oras a naikeddeng a panagisuot ti vest ditoy probinsya.
