LAOAG CITY – Nakaalerto ti Philippine National Police (PNP) kontra iti possible a cyber threats sakbay ti maikalima nga State of the Nation Address (SONA) ni Presidente Ferdinand Marcos Jr. inton Hulio 27.
Segun ken ni Philippine National Police (PNP) chief Gen. Jose Melencio Nartatez Jr., karaman iti kangrunaan a banbaantayanda ket ti cyberattacks kadagiti napapateg a sistema ti gobierno, panagwaras ti palso nga impormasion, coordinated online influence operations, ken dagiti online scam a mabalin a gundawayan ti interes ti publiko iti State of the Nation Address (SONA).
Kunana a naiget a banbantayanda ti cyber landscape ken sisasagana a sumungbat iti aniaman a pangta kadwada ti nagduduma pay nga ahensia.
Immunan nga inanunsio ti Philippine National Police (PNP) a mangiwarasda ti 20,000 a police personnel para iti seguridad ti State of the Nation Address (SONA). Manamnama met ti pannakaiwayat ti kilos-protesta ti saan a bumaba iti uppat a grupo sakbay ti panagbitla ti Presidente.
