LAOAG CITY – Inpasigurado a ni Police Col. Renante Baltazar, ti mangidadaulo iti Philippine National Police-Aviation Security Group a napintas ti koordinasyon da iti Office for Transportation Security iti Laoag International Airport.
Kuna na a ti Office for Transportation Security ti aginspeksyon kadagiti bagahe dagiti pasahero iti erupuerto ken no adda dagiti makita da a kontrabando ket insigida da nga ireport iti opisina da tapno isuda ti mangiwayat ti naan-anay nga imbestigasyon.
Inbatad na a kadagiti naglabas a bolan wenno tawen ket ado dagiti nakumkumpiskar da a kontrabando a bitbit dagiti pasahero iti erupuerto.
Inpakaammo na nga adda pay dagiti naalaan da ti bala ti paltog a ti palawag ti akinbagi ket us-usaren na laeng daytoy kas an-anib.
Innayon na a no mapaneknekan da nga agsasao ti pudno ti maseknan a pasahero ket palubusan da metlaeng a dagus.
