LAOAG CITY – Inpakaammo ni Police Captain Dionisio Baldillo, hepe ti PNP Bacarra a manarimaan ti pannakikoordinar da iti lokal a gobyerno iti nasao nga ili seknan ti pannakaputar ti ordinansa mainaig iti pannakaipawil ti panagusar ti videoke.
Ti kalikagum a pannakaputar ti ordinansa ket pakaseknan iti temporaryo a pannakaisardeng ti operasyon dagiti videoke bar a possible a makaisturbo kadagiti agad-adal babaen ti blende learning.
Mainaig iti daytoy, inbatad ni Baldillo a nakikoordinar kadagiti opisyal ti barangay tapno ipakaammo da kadagiti lumugar nga isardeng da pay laeng agusar ti videoke.
Maipalagip nga adda ti memorandum ti Philippine National Police seknan ti nasao a pagalagadan.
