(Update)LAOAG CITY – Agtultuloy pay laeng ti imbestigasyon ti PNP-Badoc mainaig iti nabirukan a dua a riffle granade iti karorootan a paset ti barangay road iti Bgy. Caraitan iti ili ti Badoc.
Daytoy ti inbatad ni P/C/Insp. Arnel Tabaog, Hepe ti Pulisya ti nasao nga ili.
Segun ken ni Tabaog, aguk-okkon da pay laeng ti ad-ado nga informasyon no siasinno ti posible a nangibati ti supot a nakairgaan dagiti nasao a pabettak.
Maipalagip a maysa a menor de edad ti nakakita iti nasao a supot bayat a magmagna dagitoy kadua na ti pagayam na.
Iti agdama ket naipaiman iti Explosive Ordinance Division (EOD) ti Police Prov’l Office (PPO) para iti disposiyon.
Kageddan daytoy, nagpannawagan ni Tabaog kadagiti umili iti nasao a lugar a no ada man dagiti nakitkita a mnangaibati ti nasao a supot iti nasao a lugar ket saanda nga agbutbuteng a makikoordinar.
Nagyaman ti opisyal gapu ta saan a minitaran dagiti nakakita ti nasao a supot gapu ta posible a bumtak daytoy.
