LAOAG CITY – Nagdalus dagiti kameng ti Philippine National Police iti ili ti Badoc iti Catholic ken Aglipayan Cemetery iti nasao nga ili.
Segun kenni Police Captain Joseph Tayaban, hepe iti nasao nga ili, kadua da dagiti miembro ti ACCERT wenno Anti-Criminality and Community Emergency Response Team.
Kuna na a gagem ti panagdalus da iti kampo santo ket tapno saanen nga agitugot dagiti residente kadagiti natatadem a banag kas iti buneng wenno kumpay.
Mabalin a sumarungkar dagiti residente iti kampo santo iti Oktubre 25 agingga iti Oktubre 28 ken maituloy ti panagbisita iti Nobyembre 5 agingga iti Nobyembre 8 ita a tawen idinto a nakarikep ti kampo santo intono Oktubre 29 agingga iti Nobyembre 4.
