LAOAG CITY – Nagpanawagan ni Police Chief Inspector Allan Emerson Dauz, chief of police ti PNP-Batac kadagiti addaan ti paltog nga expired ti lisensya na nga isuko iti PNP.
Segun kenni Dauz, saan kuma nga urayen dagiti maseknan a maaplikaran isuda ti search warrant.
Malaksid iti daytoy, kunana a rumbeng a maisurrender kadakuada dagiti napidot a paltog ken dadduma pay.
Daytoy ket gapo ta adda ti listaan da no siasinno man dagiti agtagikua kadagiti nasao a paltog.
Mainaig iti daytoy, inpasingked ni Dauz a matagiben a nasayaat dagiti paltog bayat nga adda iti kustudiyar da agingga a mairenew dagiti lisensya ti paltog.
