LAOAG CITY – Naiget ti panagbantay ti Philippine National Police iti ciudad ti Batac iti panangrugin ti Simbang Gabi itay parbangon.
Daytoy ti inbatad ni Police Lt. Col. Adrian Gayuchan, ti chief of police iti ciudad ti Batac.
Segun ken ni Gayuchan, sakbay pay a nangrugi ti simbang gabi ket addan ti immuna a panaginspeksyon ti nailian a pulisya kadagiti simbaan iti nadakamat a ciudad.
Inadmitir ni Gayuchan a bassit ti personnel iti Philippine National Police no ikompara iti populasyon iti ciudad ngem inkari na nga aramiden da amin a kabaelan da tapno mapagtalinaed ti linak, urnus ken talna iti lugar.
