LAOAG CITY – Naiget ti panagensayo ni Philippine National Police Chief Gen. Nicolas Torre III ken Acting Davao City Mayor Sebastian “Baste” Duterte kas panagsagsagana iti umas-asideg a charity boxing match ti dua.
Iti mismo a gym ti Camp Crame, nagensayo ni Torre no sadinno a nag-practice ti shadow boxing, double-end bag, footwork drill, push-ups ken sit ups idinto a manarimaan metten ti panagsanay ni Duterte.
Inadmitir ni Torre, agtawen ti 55 a saan daytoy a boksingero ngem kasapulanna daytoy a saganaan ti laban tapno saan a maibabain.
Kunana a kas maysa a pulis ket siguradoenna a nakasagana daytoy iti aniaman a karit.
Inlawlawag ni Torre a maysa daytoy a charity boxing match a ti maukkon ket maitulong kadagiti biktima ti kalamidad.
Inawat ni Torre ti karit a panagdinnanogda ken ni Duterte ken nakasagana ti opisial iti laban iti uneg ti 12 a rikos.
Kinumpirmaran ni Torre nga imbes nga iti Smart Araneta Coliseum ket iti Rizal Memorial Coliseum laengen a pakaiwayatan ti laban inton Domingo.
Inpettengna a saan daytoy nga agsanod ken alas-9 pay laeng ti bigat ket adda daytoyen iti Rizal nangruna ket adun dagiti sponsor ti nangipadanon ti suporta.
Innayon ni Torre a desisionen ni Duterte no mapan iti Rizal Memorial Coliseum inton Domingo.
Naammoan a natataengan ti lima a tawen ni Torre ken ni Baste nga adda ti dakkel a pammagbagina.
