LAOAG CITY – Inbilin ni Philippine National Police (PNP) Chief PGen. Jose Melencio Nartatez Jr. ti maysa nga independent investigation mainaig iti alegasyon nga adda dagiti lokal a pulos a maipagarop a nang-escort ti maysa a nangisit a van a maibagbaga a nagluganan ni Senador Ronald dela Rosa a rimuar iti Senate compound idi Mayo 14 ita a tawen.
Segun iti Philippine National Police, naibilinen kadagiti imbestigador nga adalen a naimbag dagiti ebidensya, karaman dagiti logbook, CCTV footage, radio dispatches, deployment logs, ken body camera footage tapno maamoan no adda ti napasamak a saan nga otorisado a panangtulong iti senador manipod kadagiti pulis.
Gagem ti imbestigasyon a maberipikar no adda ti panaglabsing iti maipatpatungpal a paglintegan ken no adda dagiti personnel da a nangusar ti bileg wenno kagamitan ti nailian a pulisya nga awan ti maiyannatop a pammalubos.
Iti agdama, awan pay ti naiparuk-at nga opisyal a resulta ti Philippine National Police mainaig iti nasao nga insidente kabayatan nga agtultuloy ti naiget nga imbestigasyon.
