LAOAG CITY – Saan a pinatgan ni PNP Chief Oscar Albayalde ti kiddaw ni Mayor Ferdinand Aguinaldo iti Pasuquin, Ilocos Norte a makasarita daytoy.
Immuna ti daytoy, nagturong ni Aguinaldo iti Ilocos Norte Police Provincial Office (INPPO) tapno mapanna koma kasarita ni Albayalde.
Inbatad na kayat na nga ilawlawag ti kabibiangan na mainaig iti pannakairaman ti nagan na iti narco-list ni Presidente Rodrigo Duterte.
Naamoan a kabayatan ti pannakitaripnong ni Albayalde kadagiti opisyal ti PNP ditoy probinsya ket naganus a naguray ni Aguinaldo.
Nupay kasta, kalpasan iti taripnong ket immasideg ni Regional Director Police Chief Supt. Romulo Sapitula ken ni Mayor Aguinaldo tapno ipakaammo a saanna kayat ti PNP Chief ti makisarita kenkuana.
