LAOAG CITY – Inpasigurado ni Philippine National Police Chief Police General Rommel Francisco Marbil nga iti babaen ti liderato na, isubli na ti dignidad ti amin a kameng ti nailian a pulisya.
Mainaig iti daytoy, ipawilen ni Gen. Marbil a pagbalinen a taga-payong dagiti pulis kadagiti mabigbig nga indibidwal.
Inpetteng ti opisyal nga amin a kameng ti Philippine National Police ket saan nga adipen, para maneho wenno dagiti mabaybayadan a pulis.
Inkalintegan ni Gen. Marbil a masapol nga agserbi nga ehemplo dagiti kameng ti nailian a pulisya iti panagbalin a mapangnamnamaan ken kangrunaan ti amin ket mapagtalkan.
Agtultuloy a respetaren ti Philippine National Police dagiti karbengan ti tao iti babaen ti panangipatungpal ti “recalibrated approach” kadagiti programa seknan iti panangparmek ti illegal a droga iti pagilian.
Mamati pay ni Marbil nga awan tit pumusay nga indibidwal iti panangipatungpal ti linteg iti intero a pagilian.
