LAOAG CITY – Kinumpirmaran ni Police Senior Inspector Chris Anthony Sorsano, hepe ti PNP-Dingras a nagsubli iti iligal nga aktibidad ni Resinelle dela Cruz, agtawen 53, dati drug surrender ken residente ti Brgy. Guerrero iti nasao nga ili.
Segun kenni Sorsano, daytoy ket basar met laeng iti inyuswat da a surveilance kalpasan a naidanon a nagsubli iti iligal na nga aramid.
Inbatad na a ni dela Cruz ket adda iti street level target ken dua nga aldaw da a minonitor sakbay a naiyuswat ti buy bust operation idi kalman.
Inlawlawag na nga add dagiti report a dumandanon iti pulisya nga aglaklako manen daytoy ti iligal a droga.
Nakumpiskar iti ikot ti suspek ti maysa a sachet a naglaon ti maipgarop a shabu.
Maipalagip a natiliw ti suspek babaen ti nagpammarang a a police pusuer buyer a gimmatang ti lako ni dela Cruz a flashlight ken ditoy a ginammatan dagiti otoridad isuna.
Naamoan a saan laeng nga iti ili ti Dingras ti pagop-operaran ni dela Cruz no diket iti kabangibang pay nga ili.
Iti agdama ket nagtalinaed ti suspek iti kustudiyar ti PNP-Dingras.
