LAOAG CITY – Inbatad ni Police Supt. Dominic Guerrero, ti chief of police iti ciudad ti Laoag a dagus na a kinasarita dagiti kakadwa na kalpasan a naamoan da ti pannakaserrek ti Metrobank idiay ciudad ti Tuguegarao a nakaitarayan dagiti suspek iti agarop 160 milyon a pisos.
Inbilin na a masapol nga adda ti regular a panagbisita da kadagiti bangko ditoy ciudad ti Laoag tapno maliklikan ti kas iti napasamak idiay ciudad ti Tuguegarao.
Malaksid ti daytoy, inbatad ni Guerrero a napan da binisita amin a bangko ditoy ciudad ti Laoag ken inbilin da a masapol a maki-koordinar da a kanayun iti PNP.
Inbalakad pay ni Guerrero a masapol nga amwen a naimbag dagiti maseknan ti background dagiti security guards iti bangko.
Inpalagip na a saan a mailibak nga adda dagiti atap nga inside job dagiti dadduma nga insidente gapu ta dagiti met laeng empleado ti makaammo ti mapaspasamak iti pagpapaayan da.
