LAOAG CITY – Umaboten ti 24 a most wanted person dagiti natiliw dagiti pannakabagi ti linteg ditoy probinsya.
Segun kenni Police Lt. Col. Roger Digmayo, pannakangiwat ti Ilocos Norte Police Provincial Office, inserbi dagiti kameng ti Municipal/City Police Station dagiti naawat da a warrant of arrest para ti pannakatiliw dagiti akusado sipud iti umuna nga aldaw ita a bulan ti Marso.
Kuna na nga iti ili ti Solsona ket nakatiliw iti Top 2 Most Wanted Person, ditoy siudad ti Laoag ket nakatiliw da ti Top 5 mosst wanted person.
Inbatad ni Digmayo nga adda met dagiti natiliw a most wanted person iti ili ti Pagudpud, Nueva Era, Sarrat Marcos ken iti ili ti Paoay. Inpasingked na iti agtultuloy a panagmonitor dagiti kameng ti PNP tapno matiliw amin dagiti adda iti listaan ti most wanted person ditoy probinsya.
