LAOAG CITY – Nasken nga agdanagen dagiti wanted ken kriminal iti gatangen a body-worn camera ti Philippine National Police (PNP).
Daytoy ti inbatad ni Philippine National Police Chief Gen. Rommel Francisco Marbil gapu ta ag-alarm ti body camera iti kanito a mabigbig ti maysa a wanted iti linteg.
Inbatad ni Marbil, adda ti facial recognition ti body camera a gatangenda ken usaren dagiti pulis iti operasionda.
Immunan nga inbatad ti Philippine National Police a gumatangda ti uppat a ribu a body camera.
Inbilin ni Marbil ti pannakaipaiget ti operasion wenno panangiserbi ti warrant of arrest kontra kadagiti kriminal a karaman iti heinous crimes.
Kabayatanna, gagem ti body camera a mairekord ken masigurado a lehitimo ti police operations.
