LAOAG CITY – Ginutigot ti Philippine National Police-Highway Patrol Group (PNP-HPG) dagiti motorista nga agtalinaed a natanang ken iprayoridad ti kinatalged iti kalsada, kabayatan ti manamnama panagado dagiti biyahero sakbay ti Holy Week ken summer vacation.
Segun kadagiti otoridad, mapatta-patta a ngumato ti traffic volume iti panagturong dagiti naruay a pamilya kadagiti nagduduma a probinsya ken tourist destinations.
Iti datos manipod iti Philippine National Police-Highway Patrol Group, manipod iti Marso 30 agingga iti Mayo 30 iti napalabas a tawen, adda ti pakabuklan a 35,985 road crash incidents ti nairekord iti intero a pagilian.
Kaadoan kadagiti nairaman a motorsiklo ket gapu iti kinapardas ti panagpataray dagiti riders ken human error cited.
Inbatad ni Highway Patrol Group deputy director for operations PCol. Bernard Marzal nga agtultuloy ti pannakikoordinar da kadagiti lokal a gobierno ken daddua a local police tapno maliklikan dagitoy nga insidente.
Binalakadan pay ni Marzal dagiti motorista a planwen a nasapsapa dagiti panagbiyahe da tapno maliklikan ti peak travel hours, a mabalin a mangitunda ti congestion ken dadduma a kaso ket road rage.
Innayon ni Marzal a masapol a siguradwen dagiti motorista a dagiti behikulo da ket awan ti problema na sakbay nga agbiyahe.
