LAOAG CITY – Ibilang ti Philippine National Police nga iti aldaw ti sabado ken domingo wenno dagiti holidays kas “crime clock” weno kaadoan a pakapaspasamakan dagiti nagduduma nga insidente.
Daytoy ti inbatad ni Police Capt. Rudy James Jacalne, ti Deputy Chief of Police ditoy ciudad ti Laoag.
Nupay kasta, inpasigurado ni Jacalne a nakasagana a kanayun ti Philippine National Police ditoy ciudad ti Laoag ken arigna naka-full alert dagitoy tunggal weekend wenno holidays tapno masigurado ti panagtalinaed ti linak, urnus ken talna ditoy ciudad.
Inlawlawag na a no awan ti trabaho iti kabigatan na partikular dagiti agpapaay iti gobierno ket sigurado nga ado dagiti agruwar ti rabii a mapan agpaspasyar wenno agturong kadagiti paggiinoman.
Gapu iti daytoy, nagpanawagan manen ni Jacalne kadagiti motorista a no agturong kadagiti paggiinuman ket saan nga itulok a maatiw ti bagi iti arak wenno adda ti itugot a mangimaneho tapno maliklikan ti possible a pannakadisgrasya.
