LAOAG CITY – Hinarana dagiti kameng ti Philippine National Police (PNP) ditoy Ilocos Norte dagiti kaprobinsyan kageddan ti kaaldawan dagiti puso iti paset ti Aurora Park ditoy ciudad ti Laoag.
Segun kenni Police Chief Inspector Relly Layug, gagem ti nasao nga aktibidad tapno maipakita kadagiti tattao a dagiti pulis ket saan laeng a mangtagiben ti linak, urnos ken talna.
Inbatad na a dagiti pulis ket adda ti puso da a napudno nga agay-ayat kadagiti tattao ditoy probinsya, kasta met a para iti kapya.
Naamoan a dagiti nakipagpaset ket manipud kadagiti nagduduma nga istasyon ti pulisya iti intero a probinsya.
