LAOAG CITY – Inpasingked ni PNP Provincial Director Sr. Supt. Jose Melencio Nartates Jr. a nakasagana da ti panagsubli ti kampanya kontra ti iligal a droga.
Nupay kasta, inbatad na nga awan pay ti naiparuk-at a derektiba seknan ti nasao nga operasyon.
Kinumpirmaran na nga uray naipasardeng ti kampanya kontra ti iligal a droga ket agtultuloy latta ti panagmonitor da kadagiti maatap a drug personalities.
Inbatad na nga adda dagiti maidandanon kadakuada a sumagmamano a drug surrenderers ket nagsubli da manen ti iligal nga aktibidad da.
Innayun na nga iti maudi a lawas ti Pebrero ita a tawen ket ngimmato dagiti nairekord da a napaspasamak a krimen.
Nupay kasta, iti assessment da ket nangatngato pay laeng ti bilang dagiti napaspasamak a krimen idi 2015 agingga ti 2016.
