LAOAG CITY – Immakar ti Philippine National Police (PNP) iti non-traditional tactics iti pananganop da iti pugante a ni senador Ronald “Bato” Dela Rosa.
Segun ken ni Department of the Interior and Local Government Secretary Jonvic Remulla a masapol nga ag-adjust dagiti otoridad gapu iti nalawa a kapadasan ti agpanpaday linteg iti panangipatungpal ti linteg.
Inbatad ni Remulla a ti Philippine National Police ken dadduma nga ahensya ti gobierno ket agtibo a mangipurpursige iti pananganop ken ni dela Rosa ngem nagkedked ti sekretaryo a nangipaay ti dadduma a detalye a mabalin a makaapektar iti panangan-anop da iti nasao a senador.
Maipalagip a pimmanaw ni Dela Rosa iti senado iti agsapa ti Mayo 14 iti baet ti manamnama a pannakaipatungpal ti arrest warrant nga inparuk-at ti International Criminal Court (ICC).
Inadmitir ni Remulla a narigat a maestablisar ti lokasyon ni Dela Rosa gapu ta ti dati nga hepe ti Philippine National Police ket pamilyar iti standard police operations.
