LAOAG CITY – Inparuk-aten ti Philippine National Police ti listaan dagiti maipawil a paputok nga usaren para iti panangsarabo ti baro a tawen.
Basar iti datos, adda ti 28 a prohibited firecrackers ken dadduma pay a pyrotechnic devices.
Karaman kadagiti maipawil a paputok ket ti watusi, piccolo, poppop, five star, pla-pla, lolo thunder, giant bawang, giant whistle bomb, atomic bomb, atomic triangle, large-size judas belt, goodblye delima, hello columbia, goodbye napoles, super yolanda, mother rockets, kwiton, super lolo, goodbye bading, goodbye philippines, bin laden, coke-in-can, pillbox, kabasi, special, kingkong, tuna ken goodbye chismosa.
Nagballaag ti Philippine National Police a delikado dagiti nadakamat a paputok ken mabalin a pakasugatan ken pakatayan ti maysa nga indibidual a mapabettakan iti daytoy.
