LAOAG CITY – Inpasigurado ti Philippine National Police (PNP) a baliwan na ti diskarte da iti panangiyuswat ti checkpoint operations iti baet ti maipagarop a diskriminasyon kontra kadagiti motorcycle riders.
Inkalintegan ni Philippine National Police chief Police General Rommel Marbil a nagbalin da a naiget ti panag-checkpoint kadagiti motorcycle riders gapu kadagiti riding-in-tandem nga agiyus-uswat ti nagduduma a krimen.
Nupay kasta, inkari ti opisyal a baliwan da daytoy kalpasan nga inrakurak ni1-Rider Party-list Representative Bonifacio Bosita a rugyanen ti nailian a pulisya nga ipatungpal ti “usto ken patas” a checkpoint operations bayat ti panangibunong na ti kopya ti Philippine National Police memorandum iti isyu.
Immapela met ni Marbil iti publiko a tulungan ti Philippine Nationa Police babaen ti panag-video ken panagala ti ladawan kadagiti Checkpoints no motorsiklo laeng ti sitsitaen ken tiltiliwen dagiti kameng ti pulisya.
Basar iti Philippine National Police Directorate for Operations’ Memorandum, dagiti otoridad ket mangiyuswat ti checkpoint operations iti isu amin a klase ti behikulo.
