LAOAG CITY – Nabilin ti Philippine National Police (PNP) ken National Bureau of Investigation (NBI) nga arestaren ni Senador Ronald “Bato” dela Rosa.
Kinumpirmaran ni Department of Justice Secretary Frederick Vida a “fugitive from justice” ni Senador Bato ken nasken nga ikabil isuna iti International Criminal Court (ICC) tapno sangoen dagit kaso kontra kenkuana.
Segun kenkuana, daytoy ket maiyataday iti inyisyu nga arrest warrant ti International Criminal Court a “valid.”
Iti agdama, ikarkarigatan ti Bombo Radyo nga alaen ti takder ti kampo ti senador mainaig iti panangarestar iti dati nga hepe ti Philippine National Police (PNP).
Maipalagip nga immunan a nainaganan ni Dela Rosa kas maysa kadagiti co-perpetrators iti kaso a crimes against humanity nga adda ti pakainaiganna iti maipagarup a rinib-ribu a pammapatay iti babaen ti kampania kontra iti iligal a droga ni Duterte administration.
