LAOAG CITY – Inpanamnama ni Pol Lt. Col. Joseph Baltazar, ti chief of police ti Philippine National Police-Laoag a kanayon nga agatendar kadagiti maisayangkat a regular session iti 12th Sanguniang Panlungsod ditoy ciudad.
Segun kenni Baltazar, malaksid iti regular session ket sidadaan nga agatendar kadagiti sabali pay a maisayangkat nga aktibidad iti ciudad nu kasapulan iti presensya na.
Inbatad na a saan a baro daytoy kenkuana gapo ta datin nga agat-atendar iti session ken dadduma pay uray sadinno ti pakaipanan na nga ili.
Inlawlawag na a napateg iti panagatendar ti mangidadaulo ti Philippine National Police iti regular session tapno maipakammo na no anya ti mapaspasamak ken maipadanon na no adda dagiti kasapulan ti pulisya.
Maipalagip a kwinestyunaran ti 12th Sangguniang Panlungsod ti saan a panagatendar ti dati a hepe ti pulisya ti Laoag a ni Pol. Lt. Col. Joemar Labiano kadagiti naisayangkat a regular session.
